Жент жаңа қаптамада: «Адал ас» тағамдарды заманауи сәнде ұсынды

Ұлттық тағамдар – халқымыздың ғасырлар бойы қалыптасқан асыл мұрасы. Сол құндылықты заманауи талаптарға сай ұсынуды мақсат еткен «Адал ас» компаниясы тұтынушыларын тағы да бір тың жаңалықпен қуантты. Бұл жолы компания жентті әртүрлі қаптамада шығарып, ұлттық дәмді бұрынғыдан да ыңғайлы әрі тартымды етіп ұсынуда.

Жаңа қаптамалардың басты артықшылығы – ұлттық тағамдарды конфет орнына қоя алатындай ықшам әрі қолайлы болуы. Бұл әсіресе қонақ күткенде немесе дәстүрлі дәмдерді сыйлық ретінде ұсынғанда өте тиімді. Ұқыпты әзірленген сыртқы безендіру, ұлттық нақыштағы өрнектер мен заманауи дизайн өнімге ерекше ажар береді.

«Адал ас» компаниясы сападан еш айнымаған. Өнімдер бұрынғыдай табиғи таза шикізаттан дайындалып, өзіне тән тіл үйірер дәмін сақтап отыр. Көрінісі тартымды, қаптамасы сенімді, дәмді – компания ұсынған жаңашылдықтың басты ұстанымы да осы.

Женттің әртүрлі қаптамада болуы компанияның тек маркетинг қадамы ғана емес, ұлттық ас мәдениетін жаңғыртуға қосқан үлесі. Бұл бастама арқылы ұлттық тағамдар жастарға да, аға буынға да заманауи түрде ұсынылып, олардың күнделікті қолданысқа ыңғайлы нұсқасы қалыптасады.

Жаңа қаптамадағы жентжақын күндері сөрелерге шығып, тұтынушылардың жоғары бағасына ие болары сөзсіз. «Адал ас» ұлттық дәмдерді уақыт талабына сай қайта түлетіп, олардың әр үйдің дастарханынан орын алуына жол ашып отыр.